Sertifikatlı Testçi Test Avtomatlaşdırma Strategiyası (CT-TAS)
Sertifikatlı Testçi Test Avtomatlaşdırma Strategiyası ixtisası proqram təminatının test edilməsi və test avtomatlaşdırması ilə məşğul olan şəxslər üçün nəzərdə tutulub. Sillabus təşkilat daxilində test avtomatlaşdırmasının planlaşdırılması zamanı nəzərə alınmalı olan bir neçə amili təqdim edir. Bu sillabus yalnız texniki alətlərin tətbiqi və inteqrasiyası ilə bağlı çətinlikləri deyil, eyni zamanda daha geniş avtomatlaşdırma ehtiyaclarını da əhatə edir. Strategiyaya əsaslanan yanaşma müxtəlif layihələrdə sistemli və ardıcıl tətbiqə yönəlib və təşkilat üçün dəyər yarada bilər.
Hədəf auditoriya
Test Avtomatlaşdırma Strategiyası üzrə Mütəxəssis sertifikatı proqram təminatının test edilməsi və test avtomatlaşdırması ilə məşğul olan hər kəs üçün nəzərdə tutulub. Bu, testçilər, test analitikləri, test avtomatlaşdırma mühəndisləri, test məsləhətçiləri, test memarları, test menecerləri və proqram təminatı inkişaf etdiriciləri kimi rolları əhatə edir. Bu ixtisas həmçinin test avtomatlaşdırması haqqında əsas anlayış əldə etmək istəyənlər — layihə menecerləri, keyfiyyət menecerləri, proqram təminatı inkişafı menecerləri, biznes analitikləri, İT direktorları və idarəetmə məsləhətçiləri üçün də uyğundur. Bu sertifikatı əldə etmək üçün namizədlər Certified Tester Foundation Level v4.0 və ya əvvəlki versiyalara sahib olmalı və kifayət qədər praktik təcrübəyə malik olmalıdırlar. Ətraflı məlumat üçün xahiş olunur, ISTQB® Üzv Şurası və ya İmtahan Təchizatçısı ilə əlaqə saxlayın.
Məzmun
Sualların sayı: 40- Ümumi xal: 49
- Keçid balı: 32
- İmtahan müddəti (dəq): 60
İmtahan Strukturu
Biznes Nəticələri
- Test avtomatlaşdırmasının uğuruna təsir edən proqram və sistem amillərini başa düşmək
- Test avtomatlaşdırma həllinin tətbiqinin xərclərini və risklərini müəyyənləşdirmək
- Test avtomatlaşdırmasına töhfə verən şəxslərin rollarını və məsuliyyətlərini anlamaq
- Test səviyyələri üzrə test avtomatlaşdırmasının inteqrasiyasını planlaşdırmaq
- Müxtəlif proqram inkişaf dövrü modellərində test avtomatlaşdırmasının tətbiqi üçün strateji məsələləri müəyyənləşdirmək
- Test avtomatlaşdırmasının tətbiq olunma sahəsini və əlverişliliyini anlamaq
- Təşkilatın ehtiyaclarını ödəyən test avtomatlaşdırma həllərini planlaşdırmaq
- Test avtomatlaşdırma yayım strategiyalarını anlamaq
- Qərarverməni dəstəkləyən test avtomatlaşdırma metriqlarını öyrənmək
- Test avtomatlaşdırmasının layihə və təşkilat üçün dəyərini müəyyənləşdirmək
- Maraqlı tərəflərin tələblərini qarşılamaq üçün test avtomatlaşdırma hesabat tələblərini müəyyənləşdirmək
- Əl testindən test avtomatlaşdırmasına keçid fəaliyyətlərini təyin etmək
- Layihələrin aktivləri və metodlarını paylaşmasını təmin edən, təşkilat üzrə ardıcıl tətbiqi təmin edən test avtomatlaşdırma strategiyasını müəyyənləşdirmək
- Test avtomatlaşdırmasının qurulması və saxlanmasının xərclərini anlamaq
Ətraflı Məlumat
Təlimlər Akkreditə olunmuş Təlim Təchizatçıları tərəfindən (sinif otağı, virtual və e-öyrənmə) təqdim olunur. Akkreditə olunmuş təlimdə iştirak etməyi tövsiyə edirik, çünki bu, ISTQB® üzv heyətinin materialları silabusa uyğunluq və aktualıq baxımından qiymətləndirməsini təmin edir. İmtahana hazırlaşarkən silabus və tövsiyə olunan oxu materiallarından istifadə etməklə özbaşına öyrənmək də mümkündür. Bu sertifikata sahib olanlar digər Core, Agile və ya Specialist istiqamətlər üzrə sertifikatlara keçə bilərlər.
